موضوع: شوفوا انواع قلة الذوق!!!!!!! 22.07.08 23:28
قلة ذوووووووووووووق
فيه بعض الأشياء إذا سويتيها للأسف بيكون فيها قلة ذوق: 1_من قلة الذوق انك تسألين وحده عن عمرها 2_من قلة الذوق انك تسألين عن الراتب يعني تخيلي ايش يكون موقفك لو ردت عليك وقالت وش دخلك بيكون موقفك مررررررررررره محرج كمان لا تسألين عن اجار البيت أو أي شي مادي إلا إذا كانت الوحده تمونين عليها مره 3_من قلة الذوق انك تكونين فضوليه مره يعني لو تكلمين وحده وتقولك أنا طالعه تساليها وين تقولك مشوار تسألين يعني وين؟عسى ما شر؟لا يكون فيكم شئ ؟يعني حتى لو أنتي تبغين تتطمنين ترا يمكن تضايقين بأسئلتك اللي قدامك وتطفشينها وممكن تطلع من طورها وترد عليك رد ما يعجبك أو أنها تشيل بنفسها وتحذر منك ماعاد تقولك أنها بتطلع أو تروح مكان لأنها عارفه أنها بتكون في تحقيق 4_من قلة الذوق لما تجيبين عيالك عند ناس وتخلينهم يعثوووووووووووووون في الأرض فسادا ويلعبون بالتحف والأغراض وتجي صاحبة البيت تجاملك وتقولك عادي خليهم يلعبون أنتي تصدقين وتخلينهم براحتهم يعني الأفضل إذا صاحبة البيت ماعندها عيال تخلين عيالك ببيتك أو إذا ماتقدرين جيبي لهم شئ يشغلهم مثلا لعبه من زمان ماطلعتيها لهم ولا دفتر رسم جديد أو أي شئ يشغلهم 5_من قلة الذوق إذا رحتي لناس تمونين عليهم وكان عندهم وحده أول مره تقابلينها ماتعطينها وجه أو تخصينها بالكلام يعني وزعي اهتمامك 6_من قلة الذوق لو قابلتي وحده عند ناس وطلعت قبلك تحشين فيها بعد خروجها [IMG][/IMG] بالاضافه لأنه حرام ويعتبر غيبه والناس بيتخوفون منك بيقولون هذي شغالة تنقل كلام من ناس لناس وترا الكلام الشين يووووووووووصل 7_لا تطلبين وحده توريك بيتها إلا إذا عرضت عليك هذا الشئ بنفسها أو كانت وحده مقربه لك 8_إذا انفتح باب قدامك يعني مثلا غرفة النوم ولا المطبخ بالغلط يعني يكون طفل صغير اللي فتحه لا تناظرين للي ورا الباب وتذكري انك ماترضين لأختك إلا اللي ترضين لنفسك يمكن تكون مكركبه أو حايسه شوي 9_لاتزورين وحده فجأة ابدآ ولا تتصلين عليها قبل ماتوصلين بخمس دقايق يعني اذا كنتي انتي مرتبه يمكن هي تكون من النوع الغير مرتب او البطئ تحتاج وقت للتنظيف 10_لاتطولين الزياره بالمره يعني حلوه الزياره الخفيفه بيكون لك شوق في الزياره اللي بعدها ما بيشيلون هم ويقولون الحين هذي وش يطلعها وخصوصا اذا كان كلامك قليل فما له داعي التطويل 11-كمان من قلة الذوق انها تجيك وحده عمرها ماعاشت مشكلتك مثلا سمنه او نحافه او مشكله بينك وبين زوجك وتطرح عليك حلول انتي اعرف بها بدون حتى ماتستشيريها